کوئی دن زندگی میں ایسا آئے

کوئی دن زندگی میں ایسا آئے
تو میرے دھیان میں کھو کر
رموزِ شہر یاری بھول جائے
میں اس شدّت سے یاد آوں
شکوہِ کج کلاہی بھول جائے
مرے بھی سارے رشتے، سارے ناطے
خود فراموشی بہا لے جائے
کُل دنُیا سمٹ کر تیری بانہوں میں سما جائے
بدن کے موسمِ بے اختیاری میں
کسی پل ــــــــــــ
فصیلِ شہر سے باہر
حصارِ چادر و دستار کی حد سے نکل کر
ایک لمحے کو ـــــــــــ بس اک لمحے کو
ہم اپنے مقدر آزمالیں ـــــــــــ
شبِ ممنوع سے اِک پل چُرا لیں!

●◄ #صنم