Wednesday, January 7, 2015

مظلوم کی بددعا سے بچو

سیدنا معاذ بن جبلؓ ایک جلیل القدر صحابی ہیں رحمت کون و مکاں، سرورِ دو جہاں حضرت محمدصلی اللہ علیہ وآلہ وسلم کی تربیت کی برکت سے اللہ تعالیٰ نے انہیں بہت اونچا کردیا۔ آخرت میں اپنے پروانہ رضا کا وعدہ بھی فرمایا اور دنیا میں بھی اللہ کے نبی صلی اللہ علیہ وآلہ وسلم نے انہیں یمن کے گورنر و والی کے طور پر تعینات فرمایا.... اور جب رﺅف و رحیم آقا انہیں گورنری کے لیے بھیج رہے تھے تو آپ صلی اللہ علیہ وآلہ وسلم انہیں شاندار انداز میں وصیت فرما رہے تھے.... جس میں آپ صلی اللہ علیہ وآلہ وسلم نے یہ بھی فرمایا....
مظلوم کی بددعا سے بچو! بلاشبہ اس کے اور اللہ تعالیٰ کے درمیان کوئی آڑ نہیں ہوتی۔
(بخاری کتاب المظالم و الغصب)

نیز عبداللہ اسدی کہتے ہیں کہ میں نے سیدنا انس بن مالکؓ سے سنا وہ فرما رہے تھے کہ آقائے عرب و عجم سید کائنات، حضرت محمد رسول اللہ صلی اللہ علیہ وآلہ وسلم سے (لوگوں کو برملا نصیحت کرتے) سنا....
لوگو! مظلوم کی بددعا سے بچو! اگرچہ وہ کافر ہی کیوں نہ ہو۔ بلاشبہ اس کی آہ و بددُعا اور اللہ تعالیٰ تک پہنچنے کے لیے درمیان میں کوئی رُکاوٹ نہیں ہوتی۔
(مسند احمد)



No comments:

Post a Comment