اس وطن کے پرچم کو سربلند ہی رکھنا

یہ وطن تمہارا ہے تم ہو پاسباں اس کے
یہ چمن تمہارا ہے تم ہو نغمہ خواں اس کے

اس چمـن کے پھولوں پر رنگ و آب تم سے ہے
اس زمـــــیں کا ہر ذرہ آفــــتــــــاب تـم سے ہے

یہ فضـــا تمہـــاری ہے، بحر و بر تمہارے ہیں
کہکشـــــاں کے یہ جالے، رہ گزر تمہارے ہیں

یہ وطن تمہارا ہے تم ہو پاسباں اس کے
یہ چمن تمہارا ہے تم ہو نغمہ خواں اس کے

میر کارواں ہم تھے، روح کارواں تم ہو
ہم تو صرف عنواں تھے اصل داستاں تم ہو

نفرتوں کے دروازے خود پر بند ہی رکھنا
اس وطن کے پرچم کو سربلند ہی رکھنا

یہ وطن تمہارا ہے تم ہو پاسباں اس کے
یہ چمن تمہارا ہے تم ہو نغمہ خواں اس کے

یہ زمیں مقدس ہے ماں کے پیار کی صورت
اس چمن میں تم سب ہو برگ وبار کی صورت

دیکھنا گوانا مت دولت یقین لوگو
یہ وطن امانت ہے اور تم امیں لوگو

❥ღ- متاع جَاں -ღ❥

https://www.facebook.com/MATAEJAAN.SZ/