یا رب! مِرے وطن کو اِک ایسی بہار دے
جو سارے ایشیا کی فضا کو نکھار دے
یا رب! مِرے وطن میں اِک ایسی ھَوا چَلا
جو اس کے رُخ سے گرد کے دَھبے اُتار دے
یا رب! وہ اَبر بخش کہ جو اَرضِ پاک کو
حدِ نظر تک اُمڈے ھُوئے سبزہ زار دے
میداں جو جل چُکے ھیں، بُجھا اُن کی تشنگی
شاخیں جو لُٹ چُکی ھیں، اُنہیں برگ و بار دے
ھر فرد میری قوم کا، اِک ایسا فرد ھو .....
اپنی خوُشی، وطن کی خوُشی پر جو وار دے
یہ خطہء زمین مُعَنوَن ھے تیرے نام ......
دے اس کو اپنی رحمتیں اور بے شمار دے
-----------------------------------------------
"آمین"
شاعر:احمد ندیم قاسمی
‿✿⁀°متاع جَاں°‿✿⁀
No comments:
Post a Comment