نیا سال

نیا سال

ہے تمنا کہ نیا سال تجھ کو
ہر مسرت سے ہمکنار کرے
کھل اٹھیں پھول تیرے آنگن میں
تو اگر خواہشِ بہار کرے
مسکراہٹ لبوں پہ ہو رقصاں
سارا عالم تجھ ہی سے پیار کرے
تجھ سے ہر رنج دور ہو جائے
ہر خوشی تجھ پہ جانثار کرے
تیرے آنگن میں قافلے اتریں
جھلملاتے ہوئے ستاروں کے
ہو کے بےاختیار اٹھ جائیں
تیری جانب قدم بہاروں کے
ہر نئی صبح تیرے دامن میں
چاہتوں کے گلاب بھر جائے
ہر حسیں شام اپنی راعنائی
تیرے خوابوں کے نام کر جائے
دیکھ کر تیرے رخ کی شادابی
رنگِ قوسِ قزاح نکھر جائے
مسکراتی سدا حیات رہے
تیرے قدموں میں کائنات رہے
غم نہ دل میں کبھی اجاگر ہو
شادمانی تیرا مقدر ہو
آنے والے دنوں کی تابانی
جانے والے دنوں سے بڑھ کر ہو

آمین ثم آمین

میری دعا

میری دعا ہے کہ
خواہشوں کے سمندر کے سب موتی تیرا مقدر ہوں
پھول چہرے، پھول لہجے، تیرے ہمسفر ہوں
تیری سماعتوں کی دسترس میں
کبھی وہ لفظ نہ آئے
کہ تیرے دل کو ملال ہو
تیری بصارتوں میں‌ ہر وہ منظر اترے
جو روشن ہو
صاحبِ جمال ہو
تیرے شام و سحر، تیرے برگ و ثمر
تیرے لیل و نہار، تیرے رنگِ آرزو رخسار
امڈتی بہاروں کی مثال ہو
کبھی یوں اترے تیرے لئے رحمتوں کا موسم
کہ تیری دعا کا حرفِ مدعا
آسمانوں سے کبھی رد نہ ہو
تیرے نام کی دعاؤں میں شامل
کسی کا کوئی حرفِ بد نہ ہو
کہکشاں راستوں پہ پیہم رواں دواں رہے
میری دعا ہے کہ
تیری عمر کا ہر لمحہ جاوداں رہے۔

آمین ثم آمین

 

 

 

اللّٰہ

نماز

Allah loves those who fear Him

جب ہم اللہ ''کو'' مانیں

جب ہم اللہ ''کو'' مانیں، اللہ ''کی'' مانیں، تب ہم اللہ ''کے'' بندے ہوتے ہیں!

تبھی تو اللہ اپنے بندے کے دل پر سکینہ نازل کرتا ہے، فرشتوں کے ذریعے مدد بھیجتا ہے۔ دل کے تپتے صحرا پر محبت کی ٹھنڈی بارش برساتا ہے۔ بےبی آشکار کر کے آزاماتا ہے اور اگر ہم تڑپ کر اسے ہی پکاریں تو بہترین وکیل بن کر آشکار ہوتا ہے۔ اپنے بندے کے لیۓ مشکل میں آسانیاں بھیجتا ہے۔ دل کو محبت کا مرکز کر دیتا ہے۔ اللہ اور اللہ کے بندے کا رشتہ عجب ہوتا ہے ۔۔۔ کبھی خلوت میں جلوت بھر دیتا ہے تو کبھی اشکوں میں مسکان لا سجاتا ہے۔ اللہ اور اللہ کے بندے کا رشتہ خواہشوں سے پرے رضا کا رشتہ ہوتا ہے۔ صبر، اخلاص، ایقان، امید اور وفا کا غیر مشروط رشتہ ہوتا ہے محبت کا رشتہ ہوتا ہے۔

اللہ پاک ہمیں اپنی اور نبی کریم صلی اللہ علیہ وآلہ وسلم کی محبت عطا فرمائیں اللھم آمین!

آج جمعہ کامبارک دن ہے زیادہ سے زیادہ درود شریف پڑھیں

اللهم صَــــــل علَے مُحمَّــــــــد و علَے آل مُحمَّــــــــد كما صَــــــلٌيت علَے إِبْرَاهِيمَ و علَے آل إِبْرَاهِيمَ إِنَّك حَمِيدٌ مَجِيدٌ

اللهم بارك علَے مُحمَّــــــــد و علَے آل مُحمَّــــــــد كما باركت علَے إِبْرَاهِيمَ و علَےَ آل إِبْرَاهِيمَ انك حميد مجيد

اف بھی نہ کہو