دل سوز سے خالی ھے ، نگہ پاک نہیں ھے

دل سوز سے خالی ھے ، نگہ پاک نہیں ھے
پھر اس میں عجب کیا کہ تو بے باک نہیں ھے

ھے ذوقِ تجلّی بھی اسی خاک میں پنہاں
غافل ! تو نِرا صاحبِ ادراک نہیں ھے

وہ آنکھ کہ ھے سرمہء افرنگ سے روشن
پُر کارو سخن ساز ھے ، نمناک نہیں ھے

کیا صوفی و ملّا کو خبر میرے جنوں کی
ان کا سرِ دامن بھی ابھی چاک نہیں ھے

کب تک رہے محکومیءانجم میں مری خاک
یا میں نہیں ، یا گردشِ افلاک نہیں ھے

بجلی ہوں نظر کوہ بیاباں پہ ھے میری
میرے لیے شایاں خس و خاشاک نہیں ھے

عالم ھے فقط مومنِ جانباز کی میراث
مومن نہیں جو صاحبِ لولاک نہیں ھے

بال جبریل (علامہ اقبال)

#دلِ_مضطر