ھنسے، تو آنکھ سے آنسُو رَواں ھمارے ھوئے

ھنسے، تو آنکھ سے آنسُو رَواں ھمارے ھوئے
کہ ھم پہ دوست بہت مہرباں ھمارے ھوئے

بہت سے زخم ھیں ایسے، جو اُن کے نام کے ھیں
بہت سے قرض، سرِ دوستاں، ھمارے ھوئے

کہیں تو آگ لگی ھے، وجُود کے اندر
کوئی تو دکھ ھے، کہ چہرے دُھواں ھمارے ھوئے

گرج برس کے نہ ھم کو ڈبو سکے بادل
تو یہ ھوُا کہ وھی بادباں ھمارے ھوئے

فراز! منزلِ مقصود بھی نہ تھی منزل
کہ ھم کو چھوڑ کے ساتھی رواں ھمارے ھوئے

احمد فراز

#دلِ_مضطر