میرے الله.. کیا کسی نے تیرا بھید پایا هے

"یہ کیسی کاپی هے..؟" قدرت نے پوچھا..

"اس میں دعائیں لکھی هیں.. میرے کئی ایک دوستوں نے کہا تھا کہ خانہ کعبہ میں همارے لئے دعاء مانگنا.. میں نے وه سب دعائیں اس کاپی میں لکھ لی تھیں.."

"دھیان کرنا.." وه بولے.. "یہاں جو دعاء مانگی جائے وه قبول هو جاتی هے.."

میں نے حیرت سے قدرت کی طرف دیکھا..

بولے.. "اسلام آباد میں ایک ڈائریکٹر هیں.. عرصہ دراز هوا انہیں روز بخار هو جاتا تھا.. ڈاکٹر' حکیم' وید' هومیو سب کا علاج کر دیکھا.. کچھ افاقه نہ هوا.. سوکھ کر کانٹا هو گئے.. آخر چارپائی پر ڈال کر کسی درگاہ پر لے گئے.. وھاں ایک مست سے کہا.. بابا دعاء کر کہ انہیں بخار نہ چڑھے.. انہیں آج تک پھر بخار نہیں چڑھا..

اب چند سال سے گردن کے پٹھے اکڑے هوئے هیں.. وه اپنی گردن ادھر ادھر هلا نہیں سکتے.. ڈاکٹر کہتے هیں یہ مرض صرف اس صورت میں دور هو سکتا هے کہ انھیں بخار چڑھے.. انھیں دھڑا دھڑ بخار چڑھنے کی دوائیاں کھلائی جا رھی هیں مگر انھیں بخار نہیں چڑھتا.."

دعاؤں کی کاپی میرے هاتھ سے چھوٹ کر گر پڑی.. میں نے اللہ کے گھر کی طرف دیکھا..

"میرے الله.. کیا کسی نے تیرا بھید پایا هے _____؟؟

"ممتاز مفتی.. "لبیک" سے اقتباس..

خود بھی پڑھیں اور دوسروں سے بھی شئیر کریں.

ایڈمن:#صنم

مزیداچھی پوسٹ اور تصاویر کے لئے ہمارا پیج جوائن کریں!
https://www.facebook.com/pages/Mata-e-jaan/1518354521770982